Velja eftir tegund

Hlusta	Lag	Texti	Youtube	Flokkur
	Ævibrautin (Ævibraut vor endar senn)	Texti Texti Close 1. Ævibraut vor endar senn, Er vér hljótum sjá, Allir Drottins munu menn Mætast heima þá. Ef ei dauðinn undan fer, Ástkær Frelsarinn Kemur senn og burt oss ber Beint í himininn. Kór: Ó, er okkar vinir, allir mætast þar, Ganga’ á geislafögrum grundum eilífðar, Lofa Guð og Lambið, lífið sem oss gaf. Sorgin dvín. Sólin skín. Sjá Guðs náðarhaf. 2. Margir, er vér unnum heitt, Undan fóru heim, Hafa stríð til lykta leitt, Ljúft vér fögnum þeim. Þar er sérhvert þerrað af þeirra sorgartár. Arf á himnum Guð þeim gaf, Gleðjast allra brár. 3. Varðveit klæðin helg og hrein Herrans blóði í, Svo þér ekkert mæti mein Myrkursins á ný. Lúður Drottins hljómar hátt, Hver er viðbúinn? Jesús kemur, kemur brátt. Kom þú, Drottinn minn!		Sálmar
	Yndislega ættarjörð	Texti Texti Close Yndislega ættarjörð, ástarkveðju heyr þú mína, þakkarklökkva kveðjugjörð, kveð ég líf þitt, móðir jörð. Móðir bæði mild og hörð, mig þú tak í arma þína. Yndislega ættarjörð, ástarkveðju heyr þú mína. Faðir lífsins, faðir minn, fel ég þér minn anda' í hendur. foldin geymi fjötur sinn. Faðir lífsins, Drottinn minn, hjálpi mér í himin þinn heilagur máttur, veikum sendur. Faðir lífsins, faðir minn, fel ég þér minn anda' í hendur.		Sálmar
	Vér stöndum á bjargi	Texti Texti Close VÉR stöndum á bjargi sem bifast ei má, hinn blessaði frelsari lifir oss hjá, hans orð eru líf vort og athvarf í neyð, hans ást er vor kraftur í lífi' og í deyð. 2 Þótt himinninn farist og hrynji vor storð og hrapi hver stjarna, þá varir hans orð, þótt eygló hver slokkni við aldanna hrun, hans eilífa loforð ei bregðast þó mun. 3 Hann sagði: "Minn þjónn verður þar, sem ég er, og þeir, sem mig elska, fá vegsemd hjá mér. Ég lifi' æ, og þér munuð lifa, og sá, sem lifir og trúir, skal dauðann ei sjá." 4 Vér treystum þeim orðum og trúum þig á, með titrandi hjörtum þig væntum að sjá, þú, frelsarinn ástkæri, föðurins son, vér fylgjum þér glaðir, vor lifandi von.		Sálmar
	Ver hjá mér Herra	Texti Texti Close Ver hjá mér, Herra, dagur óðum dvín, ó, Drottinn, ég hef lengi saknað þín. Í æskuglaumnum gleymdi sál mín þér, í gleðidraumnum uggði' eg lítt að mér. En þegar loksins lækka tók mín sól, ég leita fór og spyrja: "Hvar er skjól?" En veröld gegndi: "Veika dauðans hey, þín von er fánýt - Guð þú finnur ei". Þá hræddist ég. "Í húmi þessu' eg dey", ég hrópa tók, "ef Guð minn finn ég ei". Og brjóst mitt tók að buga kvöl og nauð, þá birtist þú og gafst mér lífsins brauð. Þá lukust upp mín augu, Herra kær, hve ásýnd þín var náðarrík og skær, ó, hvílík sæla hressti' og gladdi mig, ó, hvílík sæla, Guð, að finna þig. Ó, Herra, dvel nú það, sem eftir er, og aldrei framar lát mig týna þér, því mér er betri kvöl við Jesú kross en konungstign, ef missti þvílíkt hnoss. Senn slokkna öll mín litlu gleðiljós, og líf mitt fjarar senn við dauðans ós, og húmið stóra hylur mína brá: Ó, Herra Jesús, vertu hjá mér þá.		Sálmar
	Ó þekkirðu ekki undurfagra nafnið	Texti Texti Close Ó, þekkirðu' ekki undurfagra nafnið, er oss Guð til bjargar lér. Um allan heim er um það lofgjörð sungin, yfir lönd og höfin þver. Er öllum nöfnum öðrum förlast ljómi, eigi bliknar Jesú nafn. Þess dýrðarljómi mun um aldir alda, ævinlega haldast jafn. Öllum nöfnum æðra´er nafnið Jesús, og ekkert fegra´á jörðu hér. Því ekkert nafn er annað til sem frelsar. Aðeins nafnið sem hann ber. Það skelfdu hjarta flytur frið af hæðum, færir hryggum sálum ró. Er stormar æða sterkir mér í brjósti, stillt það getur vind og sjó.		Sálmar
	Ó Jesús bróðir besti	Texti Texti Close Ó, Jesús bróðir besti og barnavinur mesti, æ breið þú blessun þína á barnæskuna mína. Mér gott barn gef að vera og góðan ávöxt bera, en forðast allt hið illa, svo ei mér nái' að spilla. Það ætíð sé mín iðja að elska þig og biðja, þín lífsins orð að læra og lofgjörð þér að færa. Þín umsjón æ mér hlífi í öllu mínu lífi, þín líknarhönd mig leiði og lífsins veginn greiði. Mig styrk í stríði nauða, æ styrk þú mig í dauða. Þitt lífsins ljósið bjarta þá ljómi' í mínu hjarta. Með blíðum barnarómi mitt bænakvak svo hljómi: Þitt gott barn gef ég veri og góðan ávöxt beri.		Sálmar
	Nú vil ég enn í nafni þínu	Texti Texti Close Nú vil eg enn í nafni þínu, náðugi Guð sem léttir pínu, mér að minni hvílu halla og heiðra þig fyrir gæsku alla þáða af þér á þessum degi, því er skylt eg gleymi eigi. En það má eg aumur játa, angri vafinn sýta og gráta, móðgað hef eg margfaldlega mildi þína guðdómlega. Útslétt mínar syndir svartar, sundurkramið lækna hjarta. Þá mun ásókn illra anda ei hið minnsta kunna að granda. Lát mig þenkja á þessu kvöldi það eg lifi i veiku holdi, brothætt gler og bólan þunna brotna senn og hjaðna kunna. Þú einn, Guð, skalt þar um ráða þínar kný eg á dyr náðar af míns hjarta innsta grunni andvarpa og bið með munni. Þegar eg skal seinast sofna sál viðskilur, fjörið dofnar, hjartans faðir, í hendur þínar hverfa lát þá öndu mína. Hold í jörðu hægt lát blunda helgra svo þar bíði funda og upprisinn að eg víki inn með þér í himnaríki. Þar mun eg þúsund þakkir færa, þér sé lofgjörð, prís og æra. Amen.		Sálmar
	Megi gæfan þig geyma	Texti Texti Close Megi gæfan þig geyma,  megi Guð þér færa sigurlag,  megi sól lýsa þína leið,  megi ljós þitt skína sérhvern dag.  Og bænar bið ég þér, að ávallt geymi þig Guð í hendi sér.		Sálmar
	Kærleikurinn	Texti Texti Close Þótt ég talaði tungum manna og engla en hefði ekki kærleika yrði ég hljómandi málmur eða hvellandi bjalla. Og þótt ég hefði spádómsgáfu en hefði ekki kærleika ég væri ekki neitt. Og þótt ég hefði svo sterka trú að færa mætti fjöll úr stað en hefði ekki kærleika ég væri ósköp snauður. Og þótt ég deildi út öllum eigum mínum og framseldi líkama minn en hefði ekki kærleika þá væri ég engu bættari. Kærleikur trúir öllu, kærleikur vonar allt, kærleikur hann umber allt og fellur aldrei úr gildi. Kærleikur hann umber allt og fellur aldrei úr gildi.		Sálmar
	Hvað bindur vorn hug	Texti Texti Close Hvað bindur vorn hug við heimsins glaum, sem himnaarf skulum taka? Oss dreymir í leiðslu lífsins draum, en látumst þó allir vaka, og hryllir við dauðans dökkum straum, þó dauðinn oss megi' ei saka. Til moldar oss vígði hið mikla vald, hvert mannslíf, sem jörðin elur. Sem hafsjór, er rís með fald við fald, þau falla, en Guð þau telur, því heiðloftið sjálft er huliðstjald, sem hæðanna dýrð oss felur. En ástin er björt sem barnsins trú, hún blikar í ljóssins geimi, og fjarlægð og nálægð, fyrr og nú, oss finnst þar í eining streymi. Frá heli til lífs hún byggir brú og bindur oss öðrum heimi. Af eilífðar ljósi bjarma ber, sem brautina þungu greiðir. Vort líf, sem svo stutt og stopult er, Það stefnir á æðri leiðir. Og upphiminn fegri' en auga sér mót öllum oss faðminn breiðir.		Sálmar
	Fögur er foldin	Texti Texti Close Fögur er foldin, heiður er Guðs himinn, indæl pílagríms ævigöng. Fram, fram um víða veröld og gistum í Paradís með sigursöng. Kynslóðir koma, kynslóðir fara, allar sömu ævigöng. Gleymist þó aldrei eilífa lagið við pílagrímsins gleðisöng. Fjárhirðum fluttu fyrst þann söng Guðs englar, unaðssöng , er aldrei þver: Friður æa foldu, fagna þú, maður, frelsari heimsins fæddur er		Sálmar
	Frelsuð í faðmi Jesú			Sálmar
	Ég fann þann vin	Texti Texti Close Ég fann þann vin sem frelsar og forðum gaf sitt blóð Ég fann þann vin sem unað mestan ljær Ég fann þann vin sem leysir úr fjötrum heimsins þjóð og friður Drottins nú í hjarta grær Kór: Hans ljúfa nafn er Jesús, það líf mér hefir veitt Því lofar Hann mitt söng og bænamál. Hans undraverk í hjarta nú öllu hefir breytt Hann endurleysti mína föllnu sál. Og brátt mun Jesús koma og burtu hrífa þá sem borið hafa krossinn hér á jörð og þá mun hjartað fagna og þerrast grátinn brá og þakkargjörðin óma frá hans hjörð Ó, gefðu líf þitt honum sem gaf sitt hjarta blóð og gegnumstungna hendi réttir þér hann veitir líf og nægtir og sanna sigurmóð því sigrað í hans nafni fáum vér Og hvað er gull og gæfa, sem gefur veröld þér ef gleymir þú að hugsa um þína sál Því eitt sem þarft að kveðja það allt á jörðu hér sem aðeins reynist hverfult stundartál.		Sálmar
	Ég er á langferð um lífsins haf	Texti Texti Close Ég er á langferð um lífsins haf og löngum breytinga kenni. Mér stefnu frelsarinn góður gaf, ég glaður fer eftir henni. Mig ber að dýrlegum, ljósum löndum, þar lífsins tré gróa' á fögrum ströndum, við sumaryl og sólardýrð. Og stundum sigli ég blíðan byr og bræðra samfylgd þá hlýt ég og kjölfar hinna er fóru fyrr án fyrirhafnar þá nýt ég. Í sólarljósi er særinn fríður og sérhver dagurinn óðar líður, er siglt er fyrir fullum byr. En stundum aftur ég aleinn má í ofsarokinu berjast. Þá skellur niðadimm nóttin á svo naumast hægt er að verjast. Ég greini' ei vita né landið lengur, en ljúfur Jesús á öldum gengur um borð til mín í tæka tíð. Mitt skip er lítið, en lögur stór og leynir þúsundum skerja. En granda skal hvorki sker né sjór því skipi' er Jesús má verja. Hans vald er sama sem var það áður, því valdi' er særinn og stormur háður. Hann býður: "Verði blíðalogn!" Þá hinsti garðurinn úti er, ég eygi land fyrir stöfnum og eftir sólfáðum sæ mig ber að sælum, blælygnum höfnum. Og ótal klukkur ég heyri hringja og hersing ljósengla Drottins syngja: "Velkominn hingað heim til vor!" Lát akker falla! Ég er í höfn. Ég er með frelsara mínum. Far vel, þú æðandi dimma dröfn, vor Drottinn bregst eigi sínum. Á meðan akker í ægi falla ég alla vinina heyri kalla, sem fyrri urðu hingað heim.		Sálmar
	Eitt sinn mun rödd mín hljóðna	Texti Texti Close Eitt sinn mun rödd mín hljóðna hér, er húmar að við dauðans göng. Mín sál til himins sæl þá fer, að syngja Lambsins nýja söng.		Sálmar
	Eigi stjörnum ofar	Texti Texti Close Eigi stjörnum ofar á ég þig að finna, meðal bræðra minna mín þú leitar, Guð. Nær en blærinn, blómið, barn á mínum armi, ást í eigin barmi, ertu hjá mér, Guð. Hvar sem þrautir þjaka, þig ég heyri biðja: Viltu veikan styðja, vera hjá mér þar? Já, þinn vil ég vera, vígja þér mitt hjarta, láta ljós þitt bjarta leiða, blessa mig.		Sálmar
	Dýrðlegast nafn	Texti Texti Close Dýrðlegast nafn sem er nefnt hér á jörð: Jesús, Jesús. Trúuðum safnar í hólpinna hjörð Jesús, Jesús. Það hefur styrkt mig í þrautanna dal, Það hefur glatt mig í hátíðasal. Duga mér einnig í dauðanum skal. Jesús, Jesús. Þegar til hvíldar ég halla mér rótt, Jesús, Jesús. erum við saman þá einir um nótt, Jesús, Jesús. Þá verða smávaxin þrekvirkin mín, þá verða stórvikin lítil að sýn. Vonlaus og máttvana verð ég án þín, Jesús, Jesús. Bergmál að utan nú berast til mín, Jesús, Jesús. Minningar birtast í sorglegri sýn, Jesús, Jesús. Hjarta mitt titrar og höfuð er sveitt, húmsvört er nóttin og auga mitt þreytt. Hvísla þá nafnið, sem náð hefur veitt: Jesús, Jesús. Hvísla þá að mér í blundinum blítt, Jesús, Jesús. Hvísla því aftur og aftur á nýtt, Jesús, Jesús. Hrekur það andstyggð og illsku á braut, óttanum hrindir og sigrast á þraut. Höfðinu síðast ég halla´ í þitt skaut, Jesús, Jesús.		Sálmar
	Dvel hjá mér Guð	Texti Texti Close Dvel hjá mér, Guð, því dimma tekur ótt, dvel hjá mér Herra, bráðum kemur nótt. Nær sérhver aðstoð bregst í heimi hér, ó, Herra, Jesús, vertu þá hjá mér. Fölnar hver rós, er fegrar nú vor spor, flöktandi skuggi hér er ævi vor. Ó, hversu allt er undur hverfult hér, dvel, óumbreytanlegi Guð, hjá mér. Hjarta mitt fyllir fró þín nálægð hrein, freistinga valdið sigrar náð þín ein. Þú gegnum skin og skúr mig leiðir hér, og skjól mér veitir, Herra, dvel hjá mér.		Sálmar
	Drottinn vakir, Drottinn vakir (Lag: Ó þá náð)	Texti Texti Close Drottinn vakir, Drottinn vakir daga' og nætur yfir þér. Blíðlynd eins og besta móðir ber hann þig í faðmi sér. Allir þótt þér aðrir bregðist, aldrei hann á burtu fer. Drottinn elskar - Drottinn vakir daga' og nætur yfir þér. Löng þá sjúkdómsleiðin verður, lífið hvergi vægir þér, þrautir magnast, þrjóta kraftar, þungt og sárt hvert sporið er, honum treystu, hjálpin kemur, hann af raunum sigur ber. Drottinn læknar, Drottinn vakir daga' og nætur yfir þér. Þegar freisting mögnuð mætir, mælir flátt í eyra þér, hrösun svo þig hendir, bróðir, háðung að þér sækja fer, vinir flýja - æðrast ekki, einn er sá, er tildrög sér. Drottinn skilur - Drottinn vakir daga' og nætur yfir þér. Þegar æviröðull rennur, rökkvar fyrir sjónum þér, hræðstu eigi, hel er fortjald, hinum megin birtan er. Höndin, sem þig hingað leiddi, himins til þig aftur ber. Drottinn elskar - Drottinn vakir daga' og nætur yfir þér.		Sálmar
	Drottinn er minn hirðir	Texti Texti Close Drottinn er minn hirðir, mig mun ekkert bresta. Á grænum grundum lætur hann mig hvílast, leiðir mig að vötnum, þar sem ég má næðis njóta. Hann hressir sál mína, leiðir mig um rétta vegu fyrir sakir nafns síns. Jafnvel þótt ég fari um dimman dal, óttast ég ekkert illt, því að þú ert hjá mér, sproti þinn og stafur hugga mig. Þú býr mér borð frammi fyrir fjendum mínum, þú smyr höfuð mitt með olíu, bikar minn er barmafullur. Já, gæfa og náð fylgja mér alla ævidaga mína, og í húsi Drottins bý ég langa ævi.		Sálmar
	Dag í senn (Rétt einn dag)	Texti Texti Close   Dag í senn, eitt andartak í einu, eilíf náð þín, faðir, gefur mér. Mun ég þurfa þá að kvíða neinu, þegar Guð minn fyrir öllu sér? Hann sem miðlar mér af gæsku sinni minna daga skammti´ af sæld og þraut, sér til þess, að færa leið ég finni fyrir skrefið hvert á lífs míns braut. Hann, sem er mér allar stundir nærri, á við hverjum vanda svar og ráð, máttur hans er allri hugsun hærri, heilög elska, viska, föðurnáð. Morgundagsins þörf ég þekki eigi, það er nóg, að Drottinn segir mér: Náðin mín skal nægja hverjum degi, nú í dag ég styð og hjálpa þér. Guð, ég fæ af fyrirheitum þínum frið og styrk, sem ekkert buga má. Auk mér trú og haltu huga mínum helgum lífsins vegi þínum á, svo að ég af hjartaþeli hreinu, hvað sem mætir, geti átt með þér daginn hvern, eitt andartak í einu, uns til þín í ljóssins heim ég fer.		Sálmar
	Bjargið alda	Texti Texti Close Bjargið alda borgin mín byrg þú mig í skjóli þín. Heilsubrunnur öld og ár er þitt dýra hjartasár. Þvo mig hreinan, líknarlind, lauga mig af hverri synd. Heilög boðin, Herra þín hefur brotið syndin mín Engin bót og engin tár orka mín að græða sár Ónýt verk og ónýt trú enginn hjálpar nema þú Titrandi með tóma hönd til þín Guð, ég varpa önd nakinn kem ég klæddu mig krankur er ég, græddu mig óhreinn kem ég, vei ó vei væg mér Herra, deyð mig ei Þegar æviþrautin dvín þegar lokast augun mín þegar ég við sælli sóll sé þinn dóms- og veldisstól Bjargið alda, borgin mín byrg mig þá í skjóli þín		Sálmar
	Á hendur fel þú honum	Texti Texti Close Á hendur fel þú honum, sem himna stýrir borg, það allt, er áttu' í vonum, og allt, er veldur sorg. Hann bylgjur getur bundið og bugað storma her, hann fótstig getur fundið, sem fær sé handa þér. Ef vel þú vilt þér líði, þín von á Guð sé fest. Hann styrkir þig í stríði og stjórnar öllu best. Að sýta sárt og kvíða á sjálfan þig er hrís. Nei, þú skalt biðja' og bíða, þá blessun Guðs er vís. Ó, þú, minn faðir, þekkir og það í miskunn sér, sem hagsæld minni hnekkir, og hvað mér gagnlegt er, og ráð þitt hæsta hlýtur að hafa framgang sinn, því allt þér einum lýtur og eflir vilja þinn. Þig vantar hvergi vegi, þig vantar aldrei mátt, þín bjargráð bregðast eigi til bóta' á einhvern hátt. Þitt starf ei nemur staðar, þín stöðvar engin spor, af himni' er þú þér hraðar með hjálp og líkn til vor. Mín sál, því örugg sértu, og set á Guð þitt traust. Hann man þig, vís þess vertu, og verndar efalaust. Hann mun þig miskunn krýna. Þú mæðist litla hríð. Þér innan skamms mun skína úr skýjum sólin blíð.		Sálmar
	Slá þú hjartans hörpustrengi	Texti Texti Close Slá þú hjartans hörpu strengi, hrær hvern streng sem ómað fær. Hljómi skært og hljómi lengi hósíanna nær og fjær. Hvert þitt innsta æðarslag ómi' af gleði þennan dag. Konungurinn konunganna kemur nú til sinna manna. Ríki hans um allar álfur ómælanda geimsins nær. Hásætið er himinn sjálfur, hallarprýði sólin skær, fótskör hans hin fagra jörð, fylgdin hans er englahjörð. Skrúða ljóssins skrýddur er hann, skíra lífsins krónu ber hann. Hann, þótt æðst í hátign ljómi, hógvær kemur alls staðar. Hjarta þitt að helgidómi hann vill gjöra' og búa þar. Opna glaður hjartans hús, hýs hinn tigna gestinn fús. Getur nokkuð glatt þig fremur: Guð þinn sjálfur til þín kemur? Líknarár hann enn þá gefur, ár, sem háð ei breyting er, ár, er sumar ávallt hefur, ávöxt lífs að færa þér. Vetur, sumar, vor og haust votti þakkir endalaust konunginum konunganna, krýndum vegsemd. Hósíanna.		Forspil / Eftirspil Sálmar
	Ave Maria (Kaldalóns)	Texti Texti Close Slá þú hjartans hörpu strengi, hrær hvern streng sem ómað fær. Hljómi skært og hljómi lengi hósíanna nær og fjær. Hvert þitt innsta æðarslag ómi' af gleði þennan dag. Konungurinn konunganna kemur nú til sinna manna. Ríki hans um allar álfur ómælanda geimsins nær. Hásætið er himinn sjálfur, hallarprýði sólin skær, fótskör hans hin fagra jörð, fylgdin hans er englahjörð. Skrúða ljóssins skrýddur er hann, skíra lífsins krónu ber hann. Hann, þótt æðst í hátign ljómi, hógvær kemur alls staðar. Hjarta þitt að helgidómi hann vill gjöra' og búa þar. Opna glaður hjartans hús, hýs hinn tigna gestinn fús. Getur nokkuð glatt þig fremur: Guð þinn sjálfur til þín kemur? Líknarár hann enn þá gefur, ár, sem háð ei breyting er, ár, er sumar ávallt hefur, ávöxt lífs að færa þér. Vetur, sumar, vor og haust votti þakkir endalaust konunginum konunganna, krýndum vegsemd. Hósíanna.		Forspil / Eftirspil Sálmar
	Ave Maria (Bach-Gounod)	Texti Texti Close Slá þú hjartans hörpu strengi, hrær hvern streng sem ómað fær. Hljómi skært og hljómi lengi hósíanna nær og fjær. Hvert þitt innsta æðarslag ómi' af gleði þennan dag. Konungurinn konunganna kemur nú til sinna manna. Ríki hans um allar álfur ómælanda geimsins nær. Hásætið er himinn sjálfur, hallarprýði sólin skær, fótskör hans hin fagra jörð, fylgdin hans er englahjörð. Skrúða ljóssins skrýddur er hann, skíra lífsins krónu ber hann. Hann, þótt æðst í hátign ljómi, hógvær kemur alls staðar. Hjarta þitt að helgidómi hann vill gjöra' og búa þar. Opna glaður hjartans hús, hýs hinn tigna gestinn fús. Getur nokkuð glatt þig fremur: Guð þinn sjálfur til þín kemur? Líknarár hann enn þá gefur, ár, sem háð ei breyting er, ár, er sumar ávallt hefur, ávöxt lífs að færa þér. Vetur, sumar, vor og haust votti þakkir endalaust konunginum konunganna, krýndum vegsemd. Hósíanna.		Forspil / Eftirspil Sálmar
	Liljan	Texti Texti Close Ég leit eina lilju í holti hún lifði hjá steinum á mel. Svo blíð og svo björt og svo auðmjúk, en blettinn sinn prýddi hún vel. Ég veit það er úti um engin mörg önnur sem glitrar og skín, ég þræti ekki um litinn né ljómann en liljan í holtinu er mín.  Þessi lilja er mín lifandi trú þessi lilja er mín lifandi trú, hún er ljós mitt og von mín og yndi þessi lilja er mín lifandi trú.  Og þó að í vindunum visni á völlum og engjum hvert blóm. Og haustvindar blási um heiðar með hörðum og deyðandi róm. Og veturinn komi með kulda og klaka og hríðar og snjó. Þá lifir í hug mér sú lilja, og líf hennar veitir mér fró.		Dægurlög Sálmar
	Ísland er land þitt	Texti Texti Close Ísland er land þitt, og ávallt þú geymir Ísland í huga þér, hvar sem þú ferð. Ísland er landið sem ungan þig dreymir, Ísland í vonanna birtu þú sérð, Ísland í sumarsins algræna skrúði, Ísland með blikandi norðljósa traf. Ísland að feðranna afrekum hlúði, Ísland er foldin, sem lífið þér gaf.  Íslensk er þjóðin sem arfinn þinn geymir Íslensk er tunga þín skír eins og gull. Íslensk er sú lind, sem um æðar þér streymir. Íslensk er vonin, af bjartsýni full. Íslensk er vornóttin, albjört sem dagur, Íslensk er lundin með karlmennskuþor. Íslensk er vísan, hinn íslenski bragur. Íslensk er trúin á frelsisins vor.  Ísland er land þitt, því aldrei skal gleyma Íslandi helgar þú krafta og starf, íslenska þjóð, þér er ætlað að geyma íslenska tungu, hinn dýrasta arf. Ísland sé blessað um aldanna raðir, íslenska moldin, er lífið þér gaf. Ísland sé falið þér, eilífi faðir. Ísland sé frjálst, meðan sól gyllir haf. Magnús Þór Sigmundsson, Margrét Jónsdóttir		Dægurlög Sálmar
	Þegar ég leystur verð þrautunum frá	Texti Texti Close Þegar ég leystur verð þrautunum frá, þegar ég sólfagra landinu á lifi og verð mínum lausnara hjá, það verður dásamleg dýrð handa mér. Dásöm það er dýrð handa mér, dásöm það er  dýrð handa mér,  er ég skal fá Jesú auglit að sjá, það verður dýrð, verður dýrð handa mér. Og þegar hann, er mig elskar svo heitt, indælan stað mér á himni´ hefir veitt, svo að hans ásjónu´ ég augum fæ leitt það verður dásamleg dýrð handa mér. Ástvini sé ég, er unni ég hér, árstraumar fagnaðar berast að mér. Blessaði frelsari, brosið frá þér, það verður dásamleg dýrð handa mér. C. H. G. Redhlberg  - L. Halldórsson		Sálmar
	Þegar endar mitt stríð	Texti Texti Close Þegar endar mitt stríð og sú upprennur tíð, að ég eilífðarströndum skal ná. Jesúm auga mitt sér og um eilífð ég er mínum ástkæra frelsara hjá. Þar í alfögru elskunnar landi, undir pálmanna himneska blæ. Öll er jarðlífsins sorg, gleymd í sælunnar borg, sól Guðs kærleika vermir þar æ. Vini átti ég hér, farna á undan frá mér, bústað eilífan Jesús þeim bjó. Þar í heilagra þröng mun ég syngja minn söng senn í himinsins eilífu ró. Haf þú enn litla bið, því að eilífan frið munt þú öðlast hjá Guði í laun. Skrúða fannhvítan fá meðal frelsaðra þá, ef þú fús þolir krossberans raun. Göte Andersons, Sigríður Halldórsdóttir		Sálmar
	Ó þá náð að eiga Jesú	Texti Texti Close Ó, þá náð að eiga Jesú einkavin í hverri þraut. Ó, þá heill að halla mega höfði sínu' í Drottins skaut. Ó, það slys því hnossi' að hafna, hvílíkt fár á þinni braut, ef þú blindur vilt ei varpa von og sorg í Drottins skaut. Eigir þú við böl að búa, bíðir freistni, sorg og þraut, óttast ekki, bænin ber oss beina leið í Drottins skaut. Hver á betri hjálp í nauðum? Hver á slíkan vin á braut, hjartans vin sem hjartað þekkir? Höllum oss í Drottins skaut. Ef vér berum harm í hjarta, hryggilega dauðans þraut, þá hvað helzt er Herrann Jesús hjartans fró og líknar skaut. Vilji bregðast vinir þínir, verðirðu' einn á kaldri braut, flýt þér þá að halla'og hneigja höfuð þreytt í Drottins skaut. Joseph Schriven, Matthías Jochumsson		Sálmar
	Nú hverfur sól í haf	Texti Texti Close Nú hverfur sól í haf og húmið kemur skjótt. Ég lofa góðan Guð, sem gefur dag og nótt, minn vökudag minn draum og nótt.  Þú vakir, faðir vor, og verndar börnin þín, svo víð sem veröld er og vonarstjarna skín, ein stjarna hljóð á himni skín. Lát daga nú í nótt af nýrri von og trú í myrkri hels og harms og hvar sem gleymist þú á jörð, sem átt og elskar þú. Kom, nótt, með náð og frið, kom nær, minn faðir hár, og leggðu lyfstein þinn við lífsins mein og sár, allt mannsins böl, hvert brot og sár.  Sigurbjörn Einarsson		Sálmar
	Nú legg ég augun aftur / Ég fel í forsjá þína	Texti Texti Close Nú legg ég augun aftur, ó, Guð, þinn náðarkraftur mín veri vörn í nótt. Æ, virst mig að þér taka mér yfir láttu vaka þinn engil, svo ég sofi rótt. Foersom / Sveinbjörn Egilsson / P.C. Crossing  Ég fel í forsjá þína, Guð faðir, sálu mína, því nú er komin nótt. Um ljósið lát mig dreyma og ljúfa engla geyma öll börnin þín, svo blundi rótt . Matthías Jochumsson / P.C. Crossing		Sálmar
	Kallið er komið	Texti Texti Close Kallið er komið, komin er nú stundin, vinaskilnaðar viðkvæm stund. Vinirnir kveðja vininn sinn látna, er sefur hér hinn síðsta blund.  Margs er að minnast, margt er hér að þakka. Guði sé lof fyrir liðna tíð. Margs er að minnast, margs er að sakna. Guð þerri tregatárin stríð. Far þú í friði, friður Guðs þig blessi, hafðu þökk fyrir allt og allt. Gekkst þú með Guði, Guð þér nú fylgi, hans dýrðarhnoss þú hljóta skalt.  Grátnir til grafar göngum vér nú héðan, fylgjum þér, vinur, far vel á braut. Guð oss það gefi, glaðir vér megum þér síðar fylgja' í friðarskaut. Ingeman, Valdimar Briem		Sálmar
	Heyr himna smiður	Texti Texti Close Heyr, himna smiður, hvers skáldið biður, komi mjúk til mín miskunnin þín. Því heit eg á þig, þú hefur skaptan mig, ég er þrællinn þinn, þú ert Drottinn minn. Guð, heit eg á þig, að græðir mig, minnst, mildingur, mín, mest þurfum þín. Ryð þú, röðla gramur, ríklyndur og framur, hölds hverri sorg úr hjartaborg. Gæt, mildingur, mín, mest þurfum þín helzt hverja stund á hölda grund. Set, meyjar mögur, máls efni fögur, öll er hjálp af þér, í hjarta mér. Kolbeinn Tumason, Þorkell Sigurbjörnsson		Sálmar
	Fræ í frosti sefur	Texti Texti Close Fræ í frosti sefur, fönnin ei grandar því. Drottins vald á vori vekur það upp á ný. Elska hans gefur öllu líf og skjól. Guðs míns kærleiks kraftur, kom þú og ver mín sól. Drottinn dó á krossi, dæmdur og grafinn var, sonur Guðs, er saklaus syndir heimsins bar. Móti hans elsku magnlaus dauðinn er. Kristur, með þinn kærleik kom þú og hjá oss ver. Hann var hveitikornið, heilagt lífsins sáð, sent til vor að veita vöxt í ást og náð. Himnanna ljómi lýsir gröf hans frá. Kristur, lát þinn kærleik kveikja þitt líf oss hjá. Stundum verður vetur veröld hjartans í. Láttu fræ þín lifa, ljóssins Guð, í því. Gef oss þitt sumar sólu þinni frá. Kristur, kom og sigra, kom þú og ver oss hjá. Frostenson, Sigurbjörn Einarsson		Sálmar
	Faðir vor	Texti Texti Close Faðir vor þú sem ert á himnum helgist þitt nafn þitt nafn. Tilkomi þitt ríki verði þinn vilji á jörð svo sem er á himni.  Gef oss í dag vort daglegt brauð fyrirgef vorar skuldir svo sem vér og fyrirgefum öðrum, og leið oss ekki í freistni heldur frelsa oss frá illu því þitt - þitt er ríkið þinn er mátturinn þín er dýrðin um eilífð,  AMEN Malotte		Sálmar
	Ég hef lesið um ljómandi höllu	Texti Texti Close Ég hef lesið um ljómandi höllu ofar láreistum mannanna sölum, fold með iðgrænum blómskrýddum bölum, Brátt ég fæ, brátt ég fæ vera þar. Hallelúja, Guðs herskarar syngja Hallelúja, frá jörðunni ómar. Vilji sporin mín vegraunir þyngja veit ég senn, veit ég senn er ég þar. Ég hef lesið um land þar sem enginn lengur þjáist af sjúkdóma stríði, enginn styrjaldar angistar kvíði, innan skamms, innan skamms verð ég þar. Hallelúja, þá hjörtu vor fagna Hallelúja, öll vantrú er farin. Sérhver freistingar rödd þá mun þagna, þar hjá Guði um eilífð ég er. Ég hef lesið um ljósbjartan skrúða lífsins kórónu gullinu skærri, dýrð sem allri manns hugsun er hærri þar ég heima á senn, heima á senn. Hallelúja, í heilögum anda hljómar til mín frá eilífðar ströndum. Ég finn bresta í jarðlífsins böndum, brátt hjá Jesú, hjá Jesú ég er, brátt hjá Jesú, hjá Jesú ég er. Rússneskt þjóðlag, Jónas Jakobsson		Sálmar
	Bjargið alda	Texti Texti Close Bjargið alda, borgin mín, byrg þú mig í skjóli þín. Heilsubrunnur öld og ár er þitt dýra hjartasár. Þvo mig hreinan, líknarlind, lauga mig af hverri synd. Heilög boðin, Herra, þín hefur brotið syndin mín. Engin bót og engin tár orka mín að græða sár. Ónýt verk og ónýt trú, enginn hjálpar nema þú. Titrandi með tóma hönd til þín, Guð, ég varpa önd, nakinn kem ég, klæddu mig, krankur er ég, græddu mig, óhreinn kem ég, vei, ó, vei, væg mér, Herra, deyð mig ei. Þegar æviþrautin dvín, þegar lokast augun mín, þegar ég við sælli sól sé þinn dóms- og veldisstól: Bjargið alda, borgin mín, byrg mig þá í skjóli þín. Thomas Hastings, Matthías Jochumsson		Sálmar
	Eigi stjörnum ofar	Texti Texti Close Eigi stjörnum ofar á ég þig að finna, meðal bræðra minna mín þú leitar, Guð. Nær en blærinn, blómið, barn á mínum armi, ást í eigin barmi, ertu hjá mér, Guð. Hvar sem þrautir þjaka, þig ég heyri biðja: Viltu veikan styðja, vera hjá mér þar?  Já, þinn vil ég vera, vígja þér mitt hjarta, láta ljós þitt bjarta leiða, blessa mig. Frostenson, Sigurbjörn Einarsson		Sálmar
	Dag í senn	Texti Texti Close Dag í senn, eitt andartak í einu, eilíf náð þín, faðir, gefur mér. Mun ég þurfa þá að kvíða neinu, þegar Guð minn fyrir öllu sér? Hann sem miðlar mér af gæsku sinni minna daga skammt af sæld og þraut, sér til þess, að færa leið ég finni fyrir skrefið hvert á lífs míns braut. Hann, sem er mér allar stundir nærri, á við hverjum vanda svar og ráð, máttur hans er allri hugsun hærri, heilög elska, viska, föðurnáð. Morgundagsins þörf ég þekki eigi, það er nóg, að Drottinn segir mér: Náðin mín skal nægja hverjum degi, nú í dag ég styð og hjálpa þér. Guð, ég fæ af fyrirheitum þínum frið og styrk, sem ekkert buga má. Auk mér trú og haltu huga mínum helgum lífsins vegi þínum á, svo að ég af hjartaþeli hreinu, hvað sem mætir, geti átt með þér daginn hvern, eitt andartak í einu, uns til þín í ljóssins heim ég fer. Sandell-Berg, Sigurbjörn Einarsson		Sálmar
	Amazing Grace	Texti Texti Close Amazing grace, how sweet the sound that saved a wretch like me. I once was lost, but now I'm found, was blind, but now I see. 'Twas grace that taught my heart to fear and grace my fears relieved. How precious did that grace appear the hour I first believed. When we've been there ten thousand years bright shining as the sun, we've no less days to sing God's praise than when we first begun.	[video_lightbox_youtube video_id="iBFCxkEtOEs" width="640" height="480" anchor="https://gospeltonar.is/wp-content/uploads/2016/04/youtube-logo-e1460560640819.png"]	Forspil / Eftirspil Sálmar
	Dýrðlegast nafn	Texti Texti Close Dýrðlegast nafn, sem er nefnt hér á jörð: Jesús, Jesús, trúuðum safnar í hólpinna hjörð, Jesús, Jesús. Það hefir styrkt mig í þrautanna dal, það hefir glatt mig í hátíðasal. Duga mér einnig í dauðanum skal, Jesús, Jesús. Þegar til hvíldar ég halla mér rótt, Jesús, Jesús, erum við saman þá einir um nótt, Jesús, Jesús. Þá verða smávaxin þrekvirkin mín, þá verða stórvirkin lítil að sýn. Vonlaus og máttvana verð ég án þín, Jesús, Jesús. Hvísla þá að mér í blundinum blítt, Jesús, Jesús. hvísla því aftur og aftur á nýtt, Jesús, Jesús. Hrekur það andstyggð og illsku á braut, óttanum hrindir og sigrast á þraut. Höfðinu að síðustu´ ég halla´ í þitt skaut, Jesús, Jesús. Hjálmar Hanson, Magnús Runólfsson		Sálmar
	Á himnum	Texti Texti Close Á himnum þar sem enginn grátur er á himnum þar sem enginn sorgir sér á himnum þangað vil ég stefna þér vittu til, að Jesús bíður þín. Til himna er ekki nema ein leið fær til himna sama leið og var í gær. Til himna þú kemst aðeins í gegnum hann því hann er vegur, já vegur sannleikans. Ekki halda að þú finnir aðra leið þó braut þú sjáir sem er bæði bein og breið þá máttu vita að hans vegur þröngur er en ef hann gengur þá mun þér farnast vel. Á himnum mig langar til að hitta þig á himnum mig langar til að faðma þig á himnum við gætum talað um svo margt ef aðeins héldir þú stefnumótið þar. Ekki halda að þú finnir aðra leið þó braut þú sjáir sem er bæði bein og breið þá máttu vita að hans vegur þröngur er en ef hann gengur þá mun þér farnast vel. Hjalti Gunnlaugsson		Dægurlög Sálmar
	Halleluja / Þú gafst mér Jesú gleði og frið	Texti Texti Close Þú gafst mér Jesús gleði og frið, ég gat sem barn þig talað við og sorgin aldrei ýfði sálu mína. Tilveran var traust og hlý, tært var loftið hvergi ský, og tilvalið að hrópa hallelúja.  Hallelúja Táningsára öldurót eftir það mér kom í mót, bjartar vonir brugðust eins og gengur. Oft var kalt og oft var heitt, ei ég skildi þetta neitt en samt ég reynd’að segja hallelúja.  Hallelúja Nú leiðst við höfum langan veg, ljúfi Jesús þú og ég, þú gafst mér styrk ég stóð í skjóli þínu. Er vinir brugðust von og þrá, varstu Drottinn enn mér hjá, skýli mitt og skjöldur hallelúja. Halleúja Þú barst mig gegnum erfið ár og öll mín græddir hjartasár, enginn vinur er sem Drottinn Jesús. Er burt hann fór hann býr mér stað og brátt ég fæ að reyna það í sölum þeim að syngja hallelúja. Hallelúja Ísl. texti Jóhanna Karlsdóttir	[video_lightbox_youtube video_id="Ijg_Eeyk6s8" width="640" height="480" anchor="https://gospeltonar.is/wp-content/uploads/2016/04/youtube-logo-e1460560640819.png"]	Dægurlög Sálmar
	Lýs milda ljós	Texti Texti Close Lýs, milda ljós, í gegnum þennan geim, mig glepur sýn, því nú er nótt, og harla langt er heim. Ó, hjálpin mín, styð þú minn fót; þótt fetin nái skammt, ég feginn verð, ef áfram miðar samt. Ég spurði fyrr: Hvað hjálpar heilög trú og hennar ljós? Mér sýndist bjart, en birtan þvarr, og nú er burt mitt hrós. Ég elti skugga, fann þó sjaldan frið, unz fáráð öndin sættist Guð sinn við. Þú ljós, sem ávallt lýsa vildir mér, þú logar enn, í gegnum bárur, brim og voðasker. Nú birtir senn. Og ég finn aftur andans fögru dyr og engla þá, sem barn ég þekkti fyrr. Newman / Matthías Jochumsson C. H. Purday	[video_lightbox_youtube video_id="0qyyEPgHz3w" width="640" height="480" anchor="https://gospeltonar.is/wp-content/uploads/2016/04/youtube-logo-e1460560640819.png"]	Sálmar
	Drottinn er minn hirðir	Texti Texti Close Drottinn er minn hirðir, mig mun ekkert bresta. Á grænum grundum lætur hann mig hvílast, leiðir mig að vötnum, þar sem ég má næðis njóta. Hann hressir sál mína, leiðir mig um réttan veg fyrir sakir nafns síns. Jafnvel þótt ég fari um dimman dal, óttast ég ekkert illt, því þú ert hjá mér, sproti þinn og stafur hugga mig. þú býrð mér borð frammi fyrir fjendum mínum, Þú smyrð höfuð mitt með olíu, bikar minn er barmafullur. Gæfa og náð fylgja mér alla ævidaga mína, og í húsi Drottins bý ég langa ævi. Drottinn er minn hirðir, mig mun ekkert bresta. Lag: Margrét Scheving	[video_lightbox_youtube video_id="cWqLBj_voQw" width="640" height="480" anchor="https://gospeltonar.is/wp-content/uploads/2016/04/youtube-logo-e1460560640819.png"]	Sálmar
	Hærra minn Guð til þín	Texti Texti Close Hærra, minn Guð, til þín, hærra til þín, enda þótt öll sé kross upphefðin mín. Hljóma skal harpan mín: :,: Hærra, minn Guð, til þín, :,: hærra til þín. Sofanda sýndu þá  sólstigans braut upp í þitt eilífa alföðurskaut. Hljómi svo harpan mín: :,: Hærra, minn Guð, til þín, :,: hærra til þín. Lyfti mér langt í hæð lukkunnar hjól, hátt yfir stund og stað, stjörnur og sól, hljómi samt harpan mín: :,: Hærra, minn Guð, til þín, :,: hærra til þín. Adams, Mason / Matthías Jochumsson	[video_lightbox_youtube video_id="CdGI88ekRaA" width="640" height="480" anchor="https://gospeltonar.is/wp-content/uploads/2016/04/youtube-logo-e1460560640819.png"]	Sálmar
	Ég kveiki á kertum mínum	Texti Texti Close Ég kveiki á kertum mínum við krossins helga tré. Í öllum sálmum sínum hinn seki beygir kné, ég villtist oft af vegi, ég vakti oft og bað. Nú hallar helgum degi á Hausaskeljastað. Í gegnum móðu' og mistur ég mikil undur sé. Ég sé þig koma, Kristur, með krossins þunga tré. Af enni daggir drjúpa og dýrð úr augum skín. Á klettinn vil ég krjúpa og kyssa sporin þín. Ég fell að fótum þínum og faðma lífsins tré. Með innri augum mínum ég undur mikil sé. Þú stýrir vorsins veldi og verndar hverja rós. Frá þínum ástareldi fá allir heimar ljós. Davíð Stefánsson	[video_lightbox_youtube video_id="sfsCouecJrY" width="640" height="480" anchor="https://gospeltonar.is/wp-content/uploads/2016/04/youtube-logo-e1460560640819.png"]	Sálmar
	Í bljúgri bæn	Texti Texti Close Í bljúgri bæn og þökk til þín, sem þekkir mig og verkin mín. Ég leita þín, Guð leiddu mig og lýstu mér um ævistig. Ég reika oft á rangri leið, sú rétta virðist aldrei greið. Ég geri margt, sem miður fer og man svo sjaldan eftir þér. Sú ein er bæn í brjósti mér, ég betur kunni þjóna þér, því veit mér feta veginn þinn, að verðir þú æ Drottinn minn. Hohn Farrar og Bruce Welch, Pétur Þórarinsson	[video_lightbox_youtube video_id="V1B0ltwwakw" width="640" height="480" anchor="https://gospeltonar.is/wp-content/uploads/2016/04/youtube-logo-e1460560640819.png"]	Dægurlög Sálmar